पटक पढिएको
कोलम्बो, २५ असोज (रासस/एएफपी) : माल्दिभ्सको सर्वोच्च अदालतले निर्वाचनका बारेमा परेको मुद्धामाथी आउदो आइतबार सुनुवाई गर्ने जनाएको छ । हालै भएको राष्ट्रपतीय निर्वाचनबारेमा राष्ट्रपति अब्दुला यमीनले दिएको चुनौतीबारेमा आइतबार सुनुवाई गर्ने तय भएको अदालतले बिहीबार जनाएको हो ।
अदालतले सामाजिक सञ्जाल ट्वीटर मार्फत् दिएको जानकारी अनुसार आइतबार दिउसो एक बजे सुनुवाई गर्ने निर्णय भएको छ । निर्वाचनको परिणामप्रति असन्तुष्टि जनाउदै राष्ट्रपति यमीनले अदालतमा मुद्धा दायर गर्नुभएको थियो । गत सेप्टेम्बर २३ तारिखका दिन भएको निर्वाचनमा अनपेक्षित रूपमा विपक्षी दलका उम्मेदवार इब्राहिम मोहमद सोलिह विजयी भएको घोषणा गरिएको थियो । उहाँले ५८.४ प्रतिशत भोट पाउनुभएको अधिकारीहरूले बताएका थिए ।
प्रमुख निर्वाचन आयुक्त अहमद सरिफसँगको छलफलपछि अदालतले सुनुवाइको समय तोकेको हो । सरिफले राजधानी मालेमा पत्रकारहरूलाई दिएको जानकारीअनुसार यमीनले अहिलेको निर्वाचन परिणामलाई रद्ध गरी फेरी निर्वाचन गराउन माग गर्नुभएको छ । अमेरिका र युरोपेली संघले पनि यमीनले नस्वीकार्दासम्म निर्वाचनको परिणामलाई अगाडी नबढाउन चेतावनी दिएका छन् ।
आउदो नोभेम्बरमा कार्यकाल सकिन लागेका ५९ बर्षिय यमीनका समर्थकहरूले पनि निर्वाचनको परिणामलाई चुनौती दिएका छन् ।
© २०७५ पाठशाला बीरगंज स्टडी सेन्टरद्बारा प्रकाशित | सर्वाधिकार सुरक्षित
तपाईंको प्रतिकृयाहरू